| |
| آخری حکومت نہیں پھربھی آناہےجھوٹ نہیں بولیں گے۔گیلانی |
| وقت اشاعت: Saturday, 6 March, 2010, 12:00 GMT 17:00 PST |
 لاہو ر(این این آئی) وزیراعظم سید یوسف رضا گیلانی نے کہا ہے کہ دہشت گردی کے خاتمے اور امن وامان کی صورتحال بہتر ہوتے ہی پاکستان میں غیر ملکی سرمایہ کاروں کی لائنیں لگ جائیں گی‘ جب سرمایہ کاری ہو گی تو مہنگائی ‘ بیروزگاری جیسے مسائل بھی حل ہونگے کوئی مانے یا نہ مانے دہشت گردی کے خلاف جنگ میں قوم کو یکجا کرنا پیپلز پارٹی کی بہت بڑی کامیابی ہے اور پوری دنیا اسے مان رہی ہے‘ پاکستان پیپلز پارٹی ایک نظریاتی جماعت ہے ہم نے پارٹی کو اگلی نسلوں تک پہنچاتے ہوئے بلاول بھٹو کو بھی متعارف کروانا ہے‘ صرف چاروں صوبوں میں نہیں کشمیر اور گلگت بلتستان میں بھی پارٹی کو مضبوط بنانے کیلئے آرگنائز کیا جائے گا‘پارٹی میں جو بھی اختلافات ہیں ان کو گلیوں اور بازاروں کی بجائے پارٹی کے اندر ہی زیر بحث لایا جائے‘ کسی کو صدر ‘ میرے اور کسی بھی وزیربارے تحفظات ہیں تو کھل کر اظہار کرے لیکن یہ سب کچھ پارٹی کے اندر کیا جانا چاہیے‘ یہ ہماری آخری حکومت نہیں پھر بھی آنا ہے قوم سے جھوٹ نہیں بولیں گے سب حقائق بتائے جائیں گے۔ وہ گزشتہ روز سٹیٹ گیسٹ ہاﺅس میں پاکستان پیپلز پارٹی کےلاہور سے تعلق رکھنے والے وزرا‘ اراکین اسمبلی اور عہدیداران سے خطاب کررہے تھے جبکہ اس موقع پر وفاقی وزیر ثمینہ خالد گھرکی‘ پیپلز پارٹی پنجاب کے صدر رانا آفتاب احمد خان‘ سینئر صوبائی وزیر راجہ ریاض احمد‘ لاہور کے صدر چوہدری اصغر گجر‘ پیپلز پارٹی شعبہ خواتین لاہور کی صدر ساجدہ میر‘ جنرل سیکرٹری فائزہ ملک اور دیگر بھی موجود تھے۔ مزید پڑھیں |
|
|
