| |
| صوبوں کوجدیددورکےمطابق خودمختاری دی جانی چاہیے‘اسراراللہ زہری |
| وقت اشاعت: Monday, 8 March, 2010, 13:01 GMT 18:01 PST |
 کوئٹہ (این این آئی)بی این پی عوامی کے مرکزی صدر و وفاقی وزیر پوسٹل سروسز میر اسرار اللہ زہری نے کہا ہے کہ 1973ءکے بعد دوسری دفعہ ایک موقع آیا ہے کہ آئینی ترامیم کے ذریعے صوبوں کو جدید دور کے تقاضوں کے مطابق خود مختاری دی جانی چاہیے کیونکہ اس بار بھی صرف سیاست کرنے کی کوشش کی گئی تو پھر کبھی یہ موقع نہیں آئے گا کہ صوبے حقوق کی بات کرسکیں کمیٹی میں بی این پی عوامی آخری دن تک بات سمجھانے کی کوشش کریگی ناکامی کی صورت میں بی این پی عوامی اپنے عوام کی خواہشات کے مطابق لا ئحہ عمل بنائے گی انہوں نے یہ بات پیر کے روز این این آئی سے خصوصی بات چیت کرتے ہوئے کہی انہوںنے کہا کہ وزارت اچھی چیز ہے لیکن قومی مفاد کی قیمت پر نہیں ہم ہیرو بننے کی کوشش نہیں کرینگے لیکن صوبائی خودمختیاری کے حوالے سے سب کی بات سنیں گے اور اپنی بات منوانے کی کوشش کرینگے کیونکہ یہ ایک اہم سنجیدہ اور قومی بقاءکا معاملہ ہے اس میں سیاست کاری کے ذرا بھی گنجائش نہیں ہے۔ مزید پڑھیں |
|
|
